Adidas i bën presion Unitedit për ta mbajtur Pogban

Manchester Unitedi mund ta humbë në këtë verë njërin ndër lojtarët e tyre më të talentuar, pasi Paul Pogba ka bërë të ditur ditë më parë se po kërkon një aventurë të re.

Real Madridi dhe Juventusi janë të interesuar në transferimin e mesfushorit francez, derisa edhe ky i fundit është duke bërë presion që të largohet nga Old Trafford.

Edhe pse tifozët e Djajve të Kuq po e kërkojnë largimin e 26-vjeçarit, skuadra angleze nuk e dëshiron shitjen e tij.

Manchester Unitedi tani është në presion edhe nga marka e njohur botërore e veshmbathjeve, Adidas, pasi nuk e duan largimin e tij nga Liga Premier. Kompania gjermane është e shqetësuar se niveli i tyre i marketingut në Angli mund të bie me largimin e mesfushorit , andaj i kanë kërkuar klubit anglez që mos ta shesë Pogban këtë verë.

Lexo po ashtu Pogba thuhet se i ka telefonuar Sarrit për ta transferuar te Juventusi

Fituesi i Kupës së Botës është lojtari me vlerën më të madhe në tregun e transferimeve te Manchester Unitedi,  derisa kartoni i tij vlen plot 140 milionë euro.

Opsioni i fundit i Djajve të Kuq që mos ta prishin marrëveshjen me Adidasin është që të gjejnë një emër të madh si zëvendësues i Pogbas, në mënyrë që të mund ta rriste edhe më shumë marketingun e tyre në Angli. /Telegrafi/