Adesanya fitoi me vështirësi meçin e shumë luftuar ndaj Whittaker, ruan titullin e UFC në peshën e mesme

Israel Adesanya ka arritur ta mbrojë titullin e tij në peshën e mesme në UFC, pasi triumfoi me vendim unanim të gjyqtarëve ndaj Robert Whittaker.

Nigeriani ka arritur ta fitojë meçin e vështirë ndaj luftëtarit nga Zelanda e Re në një përballje që zgjati plot pesë raunde dhe ishte shumë e luftuar.

Adesanya mundi Whittaker me vendim unanim (48-47, 48-47, 49-46) në ngjarjen kryesore të UFC 271 të shtunën mbrëma në Toyota Center.

Luftëtari nigerian me të vërtetë u largua nga tetëkëndëshi me rripin e tij në peshën e mesme, duke përdorur gjatësinë dhe shtrirjen e tij për të kundërshtuar boksat nga Whittaker.

Suksesi më i madh i Adesanya erdhi me goditjet e tij në këmbën e majtë të Whittaker, e cila po shfaqte mavijosje dhe ënjtje në fillim të meçit.

Por lufta ishte tepër e ngushtë, aq shumë sa që turma e shau vendimin, duke menduar se Whittaker ishte fituesi i ligjshëm.

Në fillim të meçit, tifozët e Houston ishin plotësisht pas Adesanya, por kjo ndryshoi ndërsa meçi vazhdoi dhe ata ndjenë një shqetësim të mundshëm, pasi me kalimin e kohës Whittaker ua fitoi zemrat. /Telegrafi/

https://twitter.com/PauseNewsTrend/status/1492755068508065796