A duhet të jesh “Patriot” vetëm në luftë?

Nё shenjё pakёnaqёsie me situatёn e krijuar paslufte nё Kosovё, si fajtor kryesor pёr kёtё situatё tё krijuar shumё qytetarё, intelektual dhe dijetar tё ndryshёm kanё akuzuar qeveritё e deritashme si pёrgjegjёse kryesore. Qeveria e fundit e cila aktualisht ёshtё nё pushtet, si mekanizëm mbrojtës ndaj kёtyre kritikave qytetare, tё cilat kritika shumicën e rasteve ishin tё mbёshtetura me fakte, zgjodhi shprehjen “tani ka kaluar koha e patriotizimit”, dhe se sipas tyre koha e patriotizmit ka qenё nё luftё, duke tentuar t’i fshehin tё bёmat e tyre paslufte nёn ombrellёn e patriotizmit, nё tё njёjtёn kohё duke tentuar tё bёjnё tё pavlefshёm mundin dhe dёshirёn e zjarrtё tё shumё qytetarёve atdhedashës, tё rinjё e tё reja, intelektualё dhe mendjehapur, tё cilёt nuk po mund tё durojnё tё shohin vendin e tyre tё vetmin vend tё izolur nё Europё, me mungesё tё sundimit tё ligjit, me shkallёn mё tё lartё tё korrupcionit nё rajon, me shkallёn mё tё lartё tё papunёsisё, si dhe me shumё veti tё tjera negative.

Unё tani e kam njё pyetje pёr tё gjithё ata qeveritarë tё cilёt rrahin gjoks qё vetёm ata janё patriotё, pasi qё paskan marrё pjesё nё luftё, nёse e kanё tё qartё nocionin “Patriot”? Pasi, me kёto justifikime tё bёra nё media tё ndryshme televizive dhe tё shkruara dhe me tё bёmat e tyre paslufte mua mё lёnё tё kuptojnё qё vёrtetё nuk kanё ide se ç’do tё thotё shprehja “Patriot”.

Zotёri tё nderuar qeveritarё, e kuptoj qё tani jeni tё angazhuar nё detyra tё ndryshme, dhe se ndoshta vёrtetё keni pёrgjegjёsi dhe nuk keni kohё tё lirё pёr tё lexuar dhe mёsuar, mё lejoni t’ju jap njё ide mё tё qartё rreth asaj se kush ёshtё “Patriot” e kush jo. Patriot ёshtё ai njeri i cili vazhdimisht e do vendin e vet, nё paqe e nё luftё, i cili mendon dhe vepron mirё pёr popullin dhe vendin e vet, i cili nuk e kursen as mundin, as djersёn e ballit, e as jetёn kur tё jetё nevoja pёr tё mirёn e vendit dhe tё popullit tё vet.

Zotёrinjё tё nderuar njё njeri ose ёshtё ose nuk ёshtё Patriot, e kjo nuk vlen vetёm nё luftё, por vlenё tёrё kohёn do tё thotё edhe nё paqe, prej lindjes e gjer nё vdekje. Patriot ёshtё ai njeri i cili e respekton ligjin e nuk e thyen atё, jo pёr shkak tё frikës nga pasojat e dënimit, por pёr shkak tё respektit ndaj vendit. Patriot ёshtё ai i cili nuk e vjedh shtёpinё e vet e as tё fqinjit tё tij, jo nga frika se mos po nxihet e po turpërohet, por nga dhembshuria pёr mundin dhe sakrificën e anёtarёve tё asaj shtёpie pёr fitimin e atyre tё mirave materiale. Patriot ёshtё ai i cili e respekton orarin e punёs dhe e kryen puёn me nder, jo nga frika e shefit ose drejtorit, por nga respekti pёr punёn dhe nga tё mirat qё mund t’i fitoj shoqëria me atё pёrkushtim dhe atё punё, ndёrsa nё luftё po ai person nuk ndryshon, vetёm se rritet doza e patriotizmit. Ndёrsa nё luftё zotёri tё nderuar “Patrioti” i vёrtetё e merr pushkën dhe del nё vijё tё parё tё frontit dhe lufton bashkё me shokё, e nuk rri nёn hije dhe sa mё larg plumbave tё armikut ashtu siç keni bёrё shumё nga ju “Patriotёt” e qeverisё.

Patioti i vёrtet zotёrinj i ka cilёsitë mё tё mira qё mund t’i ketё njё njeri, ai ёshtё guximtar, i ndershëm, bujar, zemёrgjerё, i durueshёm, i thjeshtё me njerёz, zemёrbutё me tё dobёtit e tё vuajturit e zemërluan me injorantët e tё ndyrit, ai ёshtё altruist, e tejkalon veten dhe e sakrifikon veten nё dobi tё vendit e popullit tё tij, ai ёshtё i mençur dhe i dijshëm. Kjo ngase ёshtё shumё vështir njё njeri i paditur tё jetё patriot, jo pёr shkak qё ndoshta tё paditurit nuk dёshirojnё tё jenё patriot, por pёr shkak se tё paditurit nuk kanё njohuri dhe nuk mund tё i shohin tё mirat, vlerat dhe pёrparёsit qё i ka tё qenit patriot. Zakonisht te patriotët veprat flasin mё shumё se fjalёt e tyre. Patriotёt kurrё nuk flasin pёr heroizmat e tyre por tё tjerёt flasin pёr to, ngase nuk i bёjnё tё mirat pёr tu mburrur me to, por ato i bёjnё ngase e ndjejnё si obligim moral dhe qytetar.

Ndёrsa ju zotёri tё nderuar nёse vёrtetё pretendoni qё jeni patriot atёherё ndaluni dhe mendoni se sa nga kёto cilёsi i posedoni. Ju nuk keni asnjё tё drejtё tua vidhni tё rinjёve e tё rejave Shqiptare, tё cilёt ose kanё qenё tё rinjё nё kohёn e luftёs ose kanё lindur pas lufte, ndjenjёn e patriotizmit vetёm pse s’paskan qenё nё luftё, ngase sipas logjikёs suaj po na u dashka qё ç‘do pesё vite tё bёhet luftё pёr tё parё se kush qenka patriot e kush jo. Ju nuk keni tё drejtё qё t’ia vidhni rinisë sonё vullnetin dhe dёshirёn e zjarrtё qё e kanё pёr tё bёrё ndryshime pozitive nё kёtё vend, pёr ta parё vendin e tyre tё barabartё me tё gjitha vendet e tjera tё botёs moderne dhe tё pёrparuar, aty ku çmohen vlerat dhe dёnohen antivlerat e jo ashtu siç po ndodh te ne, ku dёnohen vlerat dhe çmohen antivlerat. Dhe pёr kёtё ju rekomandoj zotërinj tё nderuar qё tё gjeni kohё dhe tё lexoni mё shumё, ngase ashtu siç buka dhe uji janë ushqim për trupin, dashuria dhe besimi ushqim për shpirtin, po ashtu ёshtё edhe leximi ushqim pёr mendjen dhe trurin.

(Autori është profesor i gjuhës angleze)