Juventusi e ka konfirmuar se ka arritur marrëveshje me Genoa për huazimin në vlerë 1.5 milion euro për Stefano Sturaron.
Genoa janë të detyruar ta blejnë mesfushorin për 8.5 milionë euro.
Tarifa e transferimit mund të rritet me bonuse deri në 8 milionë euro tjera.
Stefano Sturaro (Foto: Getty Images)
25-vjeçari ka qenë pjesë e klubit të Genoas që në fëmijëri.
Pasi zhvilloi 31 ndeshje me ekipin e parë, ai shkoi te Juventusi në janar të vitit 2015.
Sturaro ka zhvilluar 90 ndeshje me Zonjën e Vjetër.
Ai ka fituar katër Scudetto dhe ka arritur dy finale të Ligës së Kampionëve, por pa qenë kurrë si lojtar titullar.
Sturaro ka qenë pjesë edhe e kombëtares italiane, ndërsa në gjashtë muajt e fundit ishte pjesë e Sportingu, por nuk luajti asnjë ndeshje shkaku i dëmtimit. /Telegrafi/
