Zyrtare: Mane vazhdon kontratën me Liverpoolin

Sadio Mane edhe zyrtarisht ka vazhduar kontratën e tij me gjigantin anglez Liverpool.

Sulmuesi senegalez ka zgjatur bashkëpunimin me The Reds edhe për dy vite të tjera, pasi kontrata aktuale i skadonte në verën e vitit 2021.

Me marrëveshjen e re, Mane do të jetë pjesë e Liverpool deri në qershor të vitit 2023.

Raportohet se me marrëveshjen e re Mane do të ketë një pagë vjetore mbi shtatë milionë euro.

“Jam shumë i lumtur që zgjas kontratën me Liverpoolin dhe do të jem këtu deri në vitin 2023”.

“Është një ditë e mrekullueshme për mua dhe tani pres me padurim ta ndihmojë edhe më shumë skuadrën për t’i arritur objektivat ku synojmë fitimin e trofeve”, tha Mane.

26-vjeçari thotë se ka marrë vendimin më të duhur në karrierën e tij.

“Personalisht mendoj se me zgjatjen e kontratës kam marrë vendimin më të mirë në karrierën time”, tha Mane për faqen zyrtare të klubit.

Sulmuesi anësor iu bashkua Liverpoolit në verën e vitit 2016 nga Southampton për një shumë rreth 40 milionë euro. /Telegrafi/