Zyrtare: Llapi nënshkruan me koreanin Se-yoon Cheon

Llapi ka njoftuar për nënshkrimin e mesfushorit premtues 22-vjeçar nga Republika e Koresë, Se-yoon Cheon.

Futbollisti ka firmosur kontratë trevjeçare dhe ka lënë përshtypje bindëse që nga fillimi i fazës së përgatitjeve.

Se-yoon Cheon është mesfushor me tipare ofensive, i cili pritet të sjellë kreativitet dhe konkurrencë në repartin e mesfushës. Nëpërmjet aftësive të tij teknike dhe vizionit të lojës, ai do të kontribuojë për rritjen e cilësisë në skuadër, shkuan Llapi në faqen zyrtare.

Në anën tjetër, drejtorit sportiv i Llapit, Mentor Zhdrella, ka mirëpritur transferimin e ri, duke i dëshiruar suksese të përbashkëta.

“Jemi të lumtur që kemi arritur të sjellim një futbollist me cilësi si Se-yoon Cheon në skuadrën tonë. Ai ka treguar profesionalizëm nga fillimi i fazës përgatitore, dhe kemi bindje të plotë që do të jetë një vlerë e shtuar për klubin tonë. I uroj mirëseardhje dhe suksese së bashku me ne”, ka thënë Zhdrella.

Në anën tjetër, Cheon u shpreh shumë i lumtur që është bashkuar me Llapin dhe pret ta shpaguajë besimin e drejtuesve të klubit.

“Jam shumë i lumtur që i bashkohem KF Llapit. Dua të falënderoj drejtuesit e klubit dhe stafin teknik për besimin që kanë treguar ndaj meje. Do të jap maksimumin në fushë për të ndihmuar skuadrën dhe për të arritur objektivat tona të përbashkëta”, ka thënë Cheon. /Telegrafi/