Zyrtare: Kërkesa e Levantes refuzohet, Barcelona mbetet në garë në Kupën e Mbretit

Carmen Perez, gjyqtari i komitetit të konkurrencës në FA spanjolle, ka vendosur të mos veprojë sipas ankesës së paraqitur nga Levante mbi praninë e Chumi në formacionin e Barcelonës për ndeshjen e parë të Kupës së Mbretit.

Ishte pretenduar se lojtari 19-vjeçar i ekipit B duhet të ishte pezulluar për ndeshjen e kupës, si dhe ndeshjen e ligës së fundjavës së ardhshme për shkak të pezullimit të marrë në Segunda B, por gjyqtari ka vendosur që ankesa e Levantes ka ardhur me shumë vonesë.

Si e tillë, Barcelona mbetet në garë në Kupën e Mbretit pasi fitoi ndaj Levantes 4-2 me rezultat të përgjithshëm.

“Gjyqtari Carmen Perez konsideron se në përputhje me rregullat e FA-së spanjolle, ankesa e paraqitur nga Levante në orën 09:33 të së premtes u hodh poshtë pasi ka ardhur prit pas periudhës së caktuar”.

“Levante u ankua sot në FA spanjolle për futjen në formacion të lojtarit Juan Brandariz Movilla ‘Chumi’ gjatë ndeshjes që të dyja palët luajtën në Estadi Ciutat de Valencia më 10 janar”.

“Sapo u shqyrtuan ankesat dhe argumentet përkatëse, gjyqtari vendosi që shorti të mbahet me Barcelonën në short për çerekfinalet, që zhvillohet këtë pasdite”.

Drejtorët e Levant tani kanë dy opsione përpara tyre, pasi ata mund t’i drejtohen komitetit të apeleve të FA në Spanjë dhe gjykatës spanjolle sportive. /Telegrafi/