Zhvillohet testi i parë PCR për kancerin e gojës, rezultatet mund t’i merrni për 90 minuta

Zbulimi i hershëm është çelësi për të mbijetuar kancerin dhe studiuesit kanë zhvilluar një mjet inovativ për të ndihmuar këtë përpjekje

Studiuesit në Universitetin Queen Mary të Londrës kanë zhvilluar testin e parë PCR në botë për kancerin e gojës. Saktësia e testit është demonstruar te pacientët nga Kina, India dhe Britania e Madhe dhe rezultatet janë publikuar në revistën ndërkombëtare, Cancers.

I quajtur Sistemi Kuantitativ i Diagnostifikimit të Indeksit Malinj (qMIDS) nga shpikësi Doctor Muy-Teck Teh, ai ka potencialin të lehtësojë presionin mbi NHS dhe mund të përmirësojë zbulimin e hershëm të kancerit oral.

Si funksionon?                 

Testi është i shpejtë dhe i lehtë. Ka nevojë vetëm për makinën PCR të përdorur në testimin COVID-19 dhe një teknik për ta përdorur atë.

Lexo po ashtu Kanceri i gojës: Kontrolli dyminutësh për simptoma që mund të shpëtojë jetë

Një mostër e vogël (madhësia e gjysmë kokrre orizi) merret nga zona e dyshimtë në gojën e pacientit dhe testi zgjat vetëm 90 minuta pasi të arrijë te tekniku – i ngjashëm me një test PCR për COVID-19.

Deri më tani nuk ka pasur një mënyrë të përsosur për të identifikuar lezionet që mund të zhvillohen në kancer. Ekziston një sistem klasifikimi të cilin patologë oralë konsulentë shumë të aftë e përdorin për të vlerësuar mostrat e indeve përmes një mikroskopi.

Megjithatë, ky sistem klasifikimi jo gjithmonë parashikon ose kap me saktësi lezionet që do të bëhen ose janë bërë kanceroze.

Lexo po ashtu Pija që mund të zvogëlojë përgjysmë rrezikun e vdekjes nga kanceri

Kjo është për shkak se ndryshimet e hershme – nga paramalinje në kanceroze – po ndodhin në një nivel gjenetik dhe kimik, i cili nuk mund të kapet nga një mikroskop. /Telegrafi/