Zëdhënësi i kryeministrit izraelit thotë se palestinezët po inskenojnë lëndimet, publikon video – doli të jenë pamje nga një film libanez

Fotografi dhe video rrëqethëse nga Gaza prej më shumë se një muaj po shpërndahen në rrjetet sociale, si dëshmi e vrasjeve që po ndodhin çdo ditë atje.

Megjithatë, Izraeli ka vendosur këtë ta paraqesë si propagandë duke publikuar një video të rreme, transmeton Telegrafi.

Zëdhënësi i kryeministrit izraelit Benjamin Netanyahu, Ofir Gendelman, në rrjetet sociale ka prezantuar se palestinezët po inskenojnë lëndimeve e civilëve para kamerave, për të mashtruar mediave ndërkombëtare, por këto pretendime janë hedhur poshtë – e madje është zbuluar e vërteta.

Diplomati izraelit ka tentuar që pamjet e skenave të një filmi të shkurtër libanez, t’i paraqesë si dëshmi sesi palestinezët po inskenojnë lëndime gjatë sulmeve izraelite në Gazë që po zgjasin tash e një muaj.

Lexo po ashtu Sekreti më i madh i Hamasit, komandanti rikthehet nga “vdekja” – e inskenoi vdekjen me gjak artificial më 2014 dhe u fsheh në tunele për vite

Gendelman të enjten shpërndau postimin në rrjetin social X të njohur dikur si Twitter, ku thuhej: “Palestinezët po mashtrojnë mediat ndërkombëtare. Mos bini pre e tyre. Binduni edhe vetë si inskenojnë evakuimin dhe lëndimin e civilëve – gjithçka para kamerave”, ka shkruar ai.

Postimi i rrejshëm është akoma në rrjetin social, i pandryshueshëm pavarësisht paralajmërimit për verifikimin e fakteve nga X.

“Videoja është prapavija e shesh-xhirimit të filmit të shkurtër “Realiteti” që në Liban është filmuar nga aktorët libanezë, për të mbështetur banorët e Gazës”, thuhet në postimin e X-it që u shikuar nga mbi 18 milionë persona.

Lexo po ashtu Fuqia e dashurisë së nënës, palestinezja në Gazë tërhoqi zvarrë për 14 kilometra dy fëmijët - duke ikur nga granatat

Në videon e postuar nga Gendelman, një vajzë e vogël është e mbuluar me gjak të rrejshëm si pjesë e një skene ku punonjësit e ndihmës së shpejt vrapojnë për t’i ofruar ndihmë.

Regjisori i filmit Mahmoud Ramzi dhe fëmija i vogël që është aktor në këtë film Rami Jardali, janë deklaruar në Instagram për të hedhur poshtë pretendimet dhe reaguar për përdorimin e pamjeve kinse palestinezët po inskenojnë gjëra.

E Gendelman ka tentuar të mbrojë qëndrimin e tij duke thënë se “llogaritë palestineze e kanë publikuar video si kinse origjinale, kjo edhe është arsyeja pse është publikuar këtu”. /Telegrafi/

نفضح الأكاذيب الفلسطينية:

الغزيون يحاولون تضليل الرأي العام العالمي والعربي ووسائل الإعلام من خلال فبركة إصابات في صفوف الأطفال والمدنيين بغزة.

شاهدوا كيف يتم وضع ميك اب على الطفلة التي لم تصب بأذى وكيف يتم "تقديم العلاج" لمدنيبن لم يتعرصوا لأي إصابة، أمام الكاميرات!

افشلنا… pic.twitter.com/Uq4Xn8mDQp

— Ofir Gendelman (@ofirgendelman) November 9, 2023