Zbuluan çokollatën në vend të birrës

Çokollata ka filluar të konsumohet shumë kohë më para se në piedestal atë ta vendosin majët dhe asketët edhe atë në formë të lëngshme, si një pije e hidhët dhe alkoolike.

Dashuria e njerëzve ndaj çokollatës ka filluar minimum 500 vjet më parë nga ajo që është menduar, dhe është prodhuar në formën e birrës. Ndoshta do t’ju habisë pak fraza “çokollatë birre”, por ekzistojnë shumë birra që janë të bazuara pikërisht në këtë miks. Këtë fakt e zbulojnë shkencëtarët e Universitetit “Kornel” në ShBA. Në fakt çokollata, ka qenë pije alkoolike e bërë nga një masë homogjene e fermentuar me frytet tropikale të kakaos, prandaj edhe nuk duhet t’ju habisë pse sot shumë brende të birrave kanë edhe çokollatë.

Profesori i antropologjisë John Henderson, udhëheqës i ekipit studimor, në një studim që u publikua para pak kohësh ka theksuar se besojnë edhe shkencëtarët se çokollata nuk ardhur rastësisht, në përpjekje për të bërë birrë. Përzierja që është bërë ka pasur shije të çokollatës. Enët e zbuluara dhe pjesë të mbetura çokollate na shpien tek shumë zakone dhe ceremoni ku kjo pije është konsumuar para martesave, lindjeve dhe celebrimeve të tjera.

Në fund të shekullit 18 është prodhuar çokollata e parë në formën që e kemi sot, falë asaj që është zbuluar mënyra se si të fitohet kakao-pluhur dhe gjalpë kakao nga kokrrat e kakaos. Çokollatën e parë e kanë bërë zviceranët, ndërsa sot atë primat e kanë belgët. /Telegrafi/