Chelsea është duke punuar intensivisht për nënshkrimin e Moises Caicedo.
Brighton njoftoi dje se ata kishin pranuar një ofertë prej 128 milionë euro nga Liverpooli për reprezentuesin ekuadorian.
Megjithatë, Caicedo e ka refuzuar lëvizjen pasi dëshiron të bashkohet me Chelsean.
Si i tillë, Chelsea është në bisedime me Brighton për një marrëveshje prej 133 milionë euro për mesfushorin- me synimin për të mbyllur marrëveshjen sot (e shtunë).
Bëhet e ditur se klubi londinez ka plane të prezantojë Caicedo të dielën përpara ndeshjes së tyre hapëse në Ligën Premier pikërisht kundër Liverpoolit.
The Secret Scout raporton: "Chelsea dhe Brighton sonte po përpunojnë strukturën e pagesave për transferimin e Caicedos... po realizohet".
“Caicedo u ka dërguar mesazh lojtarëve të afërt të Chelseat" ‘Do të shihemi së shpejti’".
"Ata duan që ai të bëjë një ecje nëpër Stamford Bridge të dielën kundër Liverpoolit. Saga e pabesueshme është afër përfundimit", ka shtuar më tej faqja që merret me raportimin e transferimeve dhe zbulimin e talentëve të rinj. /Telegrafi/
