Zbulohet paga që merr Jurgen Klopp te Liverpooli para largimit nga ‘Anfield’

Jurgen Klopp me punën e tij ka bërë që të llogaritet si një ndër trajnerët më të mirë në histori të futbollit pas periudhës së suksesshme tek Liverpooli dhe paga e tij tek gjiganti anglez reflekton statusin e tij si një ndër më të mirët e kësaj loje.

56-vjeçari pak kohë më parë kishte njoftuar se do të largohet nga Liverpooli pas përfundimit të sezonit aktual, duke i dhënë fund aventurës prej tetë vite e gjysmë në Angli.

Por, sa para fiton saktësisht Kloppi tek Liverpooli, teksa ai po përgatitet që t’i jap fund kohës së tij tek Liverpooli me trofe të fituar?

Sa fiton Klopp tek Liverpooli dhe sa është vlera e tij neto?

Klopp përfiton rreth 15 milionë euro në vit tek Liverpooli, sipas raportimeve nga The Sun.

Kjo e bënë atë njërin ndër trajnerët më të paguar në botën e futbollit, ndërsa vlera e tij neto llogaritet të jetë diku rreth 40 apo 50 milionë euro.

Klopp në fakt e dhuron 1 për qind të pagës së tij në iniciativën ‘Qëllimi i Përbashkët’, që u nis nga ish-lojtari i Chelseat dhe Man Utd, Juan Mata.

Përkundër të ardhurave tek Liverpooli, Kloppi është pasuruar edhe më shumë falë marrëveshje me sponsor të ndryshëm si Puma, New Balance dhe Adidas.

Klopp kishte nënshkruar një kontratë dyvjeçare me “Të Kuqtë” në prill të 2022, dhe ishte e paraparë që ai të qëndronte në klub deri në 2026./Telegrafi/