Zbulohet një shkëmb ‘masiv’ koral në Australi: Më i gjatë se Empire State Building dhe Kullat Binjake Petronas

Një shkëmb “masiv” nënujor me përmasa 500 metrash lartësi është zbuluar në Great Barrier Reef të Australisë, duke e bërë atë më të gjatë se disa nga rrokaqiejt më të lartë në botë.

Shkencëtarët gjetën shkëmbin e shkëputur, e cila është e para që u zbulua në më shumë se 120 vjet, në ujërat pranë Queensland, njoftoi organizata e hulumtimit të oqeanit Schmidt Ocean Institute, raporton CNN.

Shkëmbinj nënujorë u zbuluan për herë të parë në 20 tetor, ndërsa shkencëtarët përfunduan një hartë nënujore të dyshemesë së detit të Reefit, transmeton Telegrafi.

Me 500 metra lartësi, është më e gjatë se Empire State Building (381 metra në katin e fundit), Kulla e Sidneit (305 metra) dhe Kullat Binjake Petronas (451,9 metra.)

Duke përdorur një robot nën ujë të quajtur SuBastian, ekipi eksploroi shkëmbin të dielën dhe transmetoi drejtpërdrejt eksplorimin.

Ekspertët thonë se baza e shkëmbit “si teh” është 1.5 kilometra e gjerë, duke u ngritur 500 metra nga thellësia e saj më e cekët prej 40 metra nën sipërfaqen e oqeanit.

“Great Barrier Reef”, shkëmbi më i madh koral në botë, mbulon mbi 214 mijë metra katror dhe është shtëpia e më shumë se 1500 llojeve të peshqve, 411 lloje të koraleve të forta dhe dhjetëra specieve të tjera. /Telegrafi/