Zbulimi tronditës i ish-bashkëshortes së Keita Balde: Wanda flinte me burrin tim dhe Icardi kishte prova

Një marrëdhënie e trazuar për të thënë të paktën.

Në mes të përplasjes në distancë (si në rrjetet sociale ashtu edhe në sallat e gjyqit) që po vazhdon prej muajsh mes Wanda Nara dhe Mauro Icardi pas ndarjes së tyre, del në pah një lajm që nuk është aspak i zjarrtë.

Simona Gualtieri, ish-gruaja e Keita Balde (shokut të skuadrës së Icardit në Inter) ka rrëfyer se burri i saj e kishte tradhtuar me Wanda Narën, gruan e Icardit në atë kohë.

“Unë u martova në maj 2022 në liqenin Como. Ndjeva sikur po jetoja një ëndërr, por kjo ishte fundi i saj. Dy muaj pas asaj date, u kontaktova nga burri i zonjës (Wanda) dhe ai më tha se kishte pasur një takim mes bashkëshortit tim dhe gruas në shtëpinë e tyre, me prova të filmuara nga kamerat brenda shtëpisë, ju siguroj se ajo që pashë ishte shumë e qartë.

Gualtieri më pas shtoi se ishte vetë Wanda Nara që e konfirmoi lidhjen: “Ishte ajo që më dërgoi fotografitë dhe bisedat mes tyre në WhatsApp. Një grua fle me burrin tim dhe më pas më dërgon fotografitë… Nuk di si ta quaj…”

Mauro Icardi dhe Wanda Nara u divorcuan zyrtarisht në vitin 2023. Lojtari argjentinas me sa duket ende nuk mund ta pranojë ndarjen ndërsa Wanda këmbëngul se është gjithmonë pranë tij pavarësisht gjithë kësaj. /Telegrafi/