“Zaniolo i përsosur për Piolin”, Crespo këshillon Milanin

Ish-sulmuesi i Milanit, Hernan Crespo ka thënë se mesfushori i Romës, Nicolo Zaniolo, do të ishte i përsosur për formacionin e Stefano Piolit, por duhet të përshtatë mentalitetin e tij.

Sipas raporteve të fundit, italiani është në listën e dëshirave të kuqezinjve për transferimin e verës dhe Crespo ka thënë se do të përmirësonte ish-klubin e tij.

I pyetur nga Gazzetta dello Sport se si Zaniolo do të përshtatej me Milanin, Crespo nuk hezitoi t’i jepte komentet e tij.

Lexo po ashtu Roma nuk e ka ndërmend ta mbajë Zaniolon, i cakton çmimin e largimit

“Vërtet mirë. Në krahun e djathtë do të ishte si qershia mbi tortë. Megjithatë…”, ka thënë fillimisht Crespo.

“Milani i Piolit fitoi Scudetton sepse kishte një shpirt ekipor fantastik, sepse të gjithë e ndihmonin njëri-tjetrin dhe kështu i kapërcenin vështirësitë”.

Crespo: “Zaniolo perfetto per il gioco di Pioli. E con Maldini crescerà” #calciomercato https://t.co/KAwfUQfp3S

— La Gazzetta dello Sport (@Gazzetta_it) May 29, 2022

“Zaniolo, nëse me të vërtetë e merr Milani, do të duhet të përshtatet me këtë frymë. Ai do të duhet të përshtatet me Milanin, jo anasjelltas”.

“Ai do të duhet të tregohet i gatshëm për të ndjekur kundërshtarët, i gatshëm për të rifituar topin, agresiv në presing. Për të, do të ishte një kërcim në cilësi që do ta ndihmonte të arrinte nivelin e tij”, përfundoi argjentinasi.

Zaniolo shpërtheu në skenë me një sezon super gjatë 2018/19 me Romën në moshën 19-vjeçare. Megjithatë, ai më pas pësoi lëndime të rënda në gju, të cilat e penguan zhvillimin e tij.

Lexo po ashtu Roma mposht Feyenoordin, fiton Ligën e Konferencës në Tiranë

Ai duket se e ka rikuperuar këtë sezon dhe, të mërkurën, shënoi golin fitues në finalen e Ligës së Konferencës kundër Feyenoordit.

Crespo kaloi një sezon me Milanin, më 2004/05, ku shënoi dy gola në finalen e Ligës së Kampionëve, kur kuqezinjtë hodhën epërsinë 3-0 për të barazuar dhe humbur në penallti ndaj Liverpoolit në Stamboll. /Telegrafi/