Zakharieva: Marrëveshja për fqinjësi të mirë do të ratifikohet javën e ardhshme

Zv.kryeministrja dhe ministre e Punëve të Jashtme e Bullgarisë, Ekateria Zakharieva, deklaroi se shpreson që marrëveshja për fqinjësi të mirë me Maqedoninë do të ratifikohet javën e ardhshme në Kuvendin Popullor të Bullgarisë.

Në intervistë për televizioni bullgar kombëtar, Zaharieva deklaroi edhe se do të formohet komision për histori, me qëllim që ai të mos politizohet. Lidhur me çështjen për emrin, shefja e diplomacisë bullgare thekson se Sofja para pak kohësh e njohu Republikën e Maqedonisë me emrin kushtetues.

“Është e rëndësishme që të takohen njerëzit, të përmirësohet infrastruktura midis dy shteteve. Pesëqind mijë qytetarë të Maqedonisë e vizitojnë Bullgarinë, ndërsa 350 mijë bullgarë udhëtojnë në Maqedonia. Çështja është se si do të zbatohet kjo marrëveshje. Nga opozita e atjeshme gjuha ndaj Bullgarisë është tejet e ndryshme. Nacionalizmi i fuqishëm dhe fushata kundër fqinjëve tregoi se nuk sjellin rezultate”, tha Zaharieva, përcjell Telegrafi Maqedoni.

Kryeministrat e Maqedonisë dhe Bullgarisë, Zoran Zaev dhe Bojko Borisov më 1 gusht të këtij viti në Shkup e nënshkruan Marrëveshjen për fqinjësi të mirë dhe miqësi midis dy vendeve. Të dytë marrëveshjen e vlerësuan si hap historik e cila do të trasojë rrugë drejt stabilitetit të së dy vendeve dhe rajonit.

Me dokumentin i cili duhet të ratifikohet në dy parlamentet, mes tjerash parashikon edhe formim të Komisionit për çështje historike dhe arsimore, në bazë pariteti, që të kontribuojë që në mënyrë objektive dhe të bazuar në dëshmi interpretim shkencor i ngjarjeve historike./Telegrafi/