Zaev në bisedë me Borissov: Do të vazhdojnë negociatat për gjetjen e zgjidhjes së përbashkët

Kryeministri Zoran Zaev sot zhvilloi një bisedë telefonike me Kryeministrin e Republikës së Bullgarisë Boyko Borissov, të cilit së pari i uroi shëndet të mirë dhe shërim të shpejtë nga coronavirusi.

Në bisedën telefonike, Kryeministrat Zaev dhe Borissov shkëmbyen informacione mbi përgatitjet për samitin e ardhshëm në Sofje brenda Procesit të Berlinit dhe ranë dakord për një bisedë tjetër telefonike nesër ku do të merret vendim nëse kryeministrat e Ballkanit Perëndimor që do të takohet në kuadër të Samitit të martën të zhvillohet online ose me prani fizike në Sofje.

Kryeministrat Zaev dhe Borissov shprehën besim të ndërsjellë se ata do të vazhdojnë të flasin drejtpërdrejt dhe përmes zyrtarëve qeveritarë dhe ekipeve, në mënyrë që të gjejnë një zgjidhje të përbashkët për hapjen e çështjeve bilaterale në interes të të dy vendeve dhe në interes të integrimit evropian.

Për momentin, Bullgaria mbetet në pozicion të vendosur mbi integrimin evropian të Maqedonisë dhe nuk lejon miratimin e një kornize negociuese që duhet të hapë rrugën për mbajtjen e një konference ndërqeveritare dhe fillimin e negociatave për anëtarësimin e Maqedonisë në BE./Telegrafi/