Xavi merr vendimin përfundimtar rreth transferimit të Joao Felix

Trajneri i Barcelonës, Xavi thuhet se ka vendosur përfundimisht pro transferimit të Joao Felix nga Atletico Madridi këtë verë.

Mesfushori sulmues portugez tashmë e ka bërë të qartë se dëshiron të largohet nga Atletico Madrid dhe as klubi nuk duket i interesuar për ta mbajtur atë.

Felix ka folur hapur për dëshirën e tij për të luajtur për Barcelonën, gjë që nuk e bëri atë të dashur për tifozët e Atleticos.

Lexo po ashtu Barcelona do të kërkojë të nënshkruajë me Joao Felix këtë verë nëse sulmuesi shitet

Barcelona është e interesuar për të nënshkruar me lojtarit vetëm në një marrëveshje huazimi njëvjeçare pa një opsion blerjeje të detyrueshme.

Sipas gazetarit të njohur Gerard Romero, i cili është i lidhur me Barcelonën, trajneri Xavi i ka dhënë dritën jeshile drejtuesve për të nënshkruar me Felix.

Barça do të paguajë rrogën e lojtarit, e cila është goxha e lartë, pasi portugezi fiton 7 milionë euro neto në sezon te Atletico Madrid.

? Xavi has agreed to João Félix’s arrival. Barça want a simple loan without a buy option. They’ve let Atlético Madrid know that they’re ready to assume 100% of his salary. @JijantesFC pic.twitter.com/41hRHEsoN0

— barcacentre (@barcacentre) August 25, 2023

“Është shumë e qartë se Felix nuk dëshiron të luajë më për Atletico Madrid”, deklaroi të enjten presidenti i Atleticos, Cerezo.

Muajin e kaluar, Felix deklaroi hapur dashurinë e tij për Barçën. Komentet e tij nxehën tifozët e Atleticos të cilët kanë vazhduar ta shajnë në çdo rast. /Telegrafi/