Wigermark pasi u dekorua me medalje presidenciale: Mënyra më e mirë për ta përfunduar mandatin

Presidentja e Kosovës, Vjosa Osmani, ka pritur të premten në takim lamtumirë shefin e EULEX-it, Ambasadorin Lars-Gunnar Wigemark, të cilin e ka dekoruar me medalje presidenciale për sundimin e ligjit.

Një ditë më pas, Wigemark ka thënë se ndjehet i nderuar me medaljen, ndërsa ka theksuar se kjo është mënyra më e mirë për ta përfunduar mandatin.

Lexo po ashtu Osmani në takim lamtumirës me shefin e EULEX-it, e dekoron me medaljen presidenciale

“Jam i nderuar dhe thellësisht i prekur që kam marrë Medaljen Presidenciale për Sundimin e Ligjit nga Presidentja e Kosovës, Vjosa Osmani. Pas më shumë se tre vjetësh me EULEX-in, kjo është mënyra më e mirë për të përfunduar mandatin tim si Shef i EULEX-it. Faleminderit!”, ka shkruar ai në Twitter.

I am honored and deeply moved to have received the Presidential Medal for Rule of Law by #Kosovo President @VjosaOsmaniPRKS. After more than three years with @EULEXKosovo, this is the best way to conclude my term of office as Head of #EULEX. Thank you! pic.twitter.com/GS13Qp4r3l

— Lars-Gunnar Wigemark (@LarsGWigemark) June 10, 2023

Misionit të Bashkimit Evropian do t’i zgjatet mandati nga ana e institucioneve të Kosovës deri në qershor të vitit 2025.

Në Gazetën Zyrtare të Bashkimit Evropian është publikuar vendimi i Këshillit të Bashkimit Evropian për Misionin e Bashkimit Evropian për Sundimin e Ligjit në Kosovë për zgjatje të mandatit, fushë veprimtarinë dhe ndarjen e buxhetit. /Telegrafi/