Wanda Nara thyen heshtjen në lidhje me të ardhmen e Mauro Icardit

Bashkëshortja dhe agjentja e Mauro Icardit, Wanda Nara, ka folur në lidhje me të ardhmen e sulmuesin në vazhdën e spekulimeve për transferimet potenciale.

Argjentinasi nuk bën pjesë në planet e trajnerit të Paris Saint-Germainit, Christophe Galtier dhe është i lirë që të largohet nga Parc des Princes.

29-vjeçari ka tërhequr interesimin e Manchester Unitedit me Anthony Martialin e lënduar dhe Cristiano Ronaldon që kërkon të largohen.

Në një deklaratë të transmetuar nga Mundo Deportivo, Wanda ka thënë se si agjente dhe partnere e futbollistit, mund ta këshillojë se çfarë duhet të bëjë, porse vendimet i merr vet ai.

Lexo po ashtu E gjithë ajo që ndodhi në afatin kalimtar veror 2022

“Unë mund ta këshilloj ose t’ia jap ndonjë mëndim, por është ai që vendos nëse do të largohet nga PSG”, është shprehur modelja.

Lexo po ashtu Icardi dhe Wanda ndodhen në Stamboll, pritet kalimi te Galatasaray

Është raportuar se gruaja e tij ka zhvilluar takime me klubin nga Stambolli që mund të paguajë vetëm ¼ e pagës së tij – tre milionë euro nga totali prej 12 milionë eurosh, ndërsa pjesën më të madhe prej ¾ (nëntë milionë euro) duhet ta paguajë PSG.

Sulmuesi argjentinas nuk ka zhvilluar asnjë minutë lojë këtë sezon për kamponin francez. /Telegrafi/