Vullneti i BBVK: Të jesh homoseksual nuk të bën më pak burrë

Një debat i hapur dhe i sinqertë mes Drilonit dhe Vullnetit u zhvillua në shtëpinë e “Big Brother VIP”, ku ata trajtuan tema të ndjeshme lidhur me orientimin seksual dhe perceptimet rreth tij.

Gjatë bisedës, Driloni e bëri të qartë se disa sjellje të mundshme do ta shqetësonin atë në shtëpi.

Ai u shpreh se do të ndjehej i parehatshëm nëse Vullneti do të shfaqte sjellje të cilat ai i quajti “stila” dhe do të bënte gjeste ndaj djemve të tjerë në shtëpi.

“Nëse e kisha pa që sillesh e bën stila dhe ja kishe nis me shfrytëzu e me prekë djemtë këtu – nuk kisha mujt me bajt këta, më kish pengu. Në Gjermani i shoh plot qashtu”, tha Driloni.

Vullneti kundërshtoi stereotipet dhe paragjykimet duke thënë: “Nuk jam person i tillë unë dhe nuk janë ‘gay-at’ qashtu njeri. Nuk janë shumica, seksualiteti nuk ka të bëjë me gjininë, je edhe ‘gay’ edhe burrë – nuk je më pak burrë nëse je ‘gay’”.

Kjo bisedë midis dy banorëve ka ngjallur diskutime të shumta brenda dhe jashtë shtëpisë së “Big Brother VIP”. Ndërsa Driloni reflekton mbi shqetësimet e tij, Vullneti thekson rëndësinë e respektit dhe të kuptuarit, duke sfiduar stereotipet që shpesh i ndjekin personat LGBTQ+. /Telegrafi/