Vuçiq jep dorëheqje nga kreu i SNS

Kryetari i Partisë Progresive Serbe, Aleksandar Vuçiq, propozoi Millosh Vuçeviqin për kryetar të ri të kësaj partie.

Vuçiq tha në Kuvendin e SNS-së, që po mbahet në Kragujevc, se do ta propozojë zyrtarisht Vuçeviqin për kryetar të partisë sipas një pike tjetër të rendit të ditës.

Lexo po ashtu Dush i ftohtë për Vuçiqin: Mijëra qytetarë largohen prej tubimit para se të flas lideri serb

“Jo triumvirat, jo dhjetë anëtarë, pesëdhjetë anëtarë apo nuk e di çfarë presidence, sugjeroj që të zgjedhim Millosh Vuçeviqin për kryetar të SNS-së dhe ai, natyrisht, do të konsultohet me të gjithë ne rreth vendimit për udhëheqjen e ardhshme dhe presidencën”, tha Vuçiq duke iu drejtuar delegatëve të pranishëm, raporton N1.

Vuçiq po ashtu tha se e do shumë SNS-in dhe se nuk do të largohet kurrë nga partia, sa të jetë gjallë.

Lexo po ashtu Një nënë që rrit vet katër fëmijët, u detyrua të vinte në tubimin e Vuçiqit nga Kosova: Nuk duhet të humbas punën

“Çfarëdo që të ndodh, çfarëdo që të bëjë, gjithmonë do të jem me ju dhe pranë jush. Thjesht mendoj se nevojitet një qasje pak më ndryshe për të bashkuar një numër më të madh të forcave të atyre që duan të luftojnë për fitoren e Serbisë patriotike, të suksesshme, e cila do të kujdeset për qytetarët e saj”, tha ai.

Lideri serb gjithashtu theksoi se është krenar që ka “udhëhequr partinë më të mirë në vend gjithë këto vite”.

Lexo po ashtu Zyrtarët e partisë së Vuçiqit paguajnë qytetarët për të marrë pjesë në tubimin e presidentit serb

“Nuk do ta harroj kurrë mbrëmë (mitingun “Serbia e Shpresës” në Beograd) dhe sot”, tha Vuçiq.

Ndryshe, Vuçiq tashmë ka paralajmëruar për themelimin e një lëvizje më të gjerë politike, ku do të përfshihet SNS, shoqëria civile, bota akademike, sportive e kulturore. /Telegrafi/