Von Cramon: Hijet e nacionalizmit po e pengojnë bashkëpunimin në Ballkan

Raportuesja për Kosovën në Parlamentin Evropian, Viola von Cramon, thotë se hijet e nacionalizmit vazhdojnë ta pengojnë bashkëpunimin në Ballkanin Perëndimor dhe deklaron se anëtarët e Parlamentit Evropian dhe Bundestagu i kanë dërguar një letër Kancelares gjermane Angela Merkel për t’u siguruar se procesi i Berlinit përfshin pajtimin dhe përparimin e vërtetë. 

Ajo vuri në dukje se pa pajtim, drejtësi dhe respekt të ndërsjellë, asnjë përparim nuk mund të bëhet.

“Sot Këshilli i Punëve të Jashtme i BE-së diskuton për Ballkanin Perëndimor. Hijet e nacionalizimit vazhdojnë ta pengojnë bashkëpunimin, nuk mund të ecim përpara pa pajtim, drejtësi dhe respekt të ndërsjellë.

Ne i kemi dërguar letër kancelares gjermane Angela Merkel nga Parlamenti Evropian dhe Bundestagu për t’u siguruar që Procesi i Berlinit të përfshijë pajtimin dhe synim të ketë përparimin e vërtetë”, ka shkruar Von Cramon në Twitter.

Postimit të saj Von Cramon ia ka bashkangjitur letrën, të cilën ajo thotë se eurodeputetët dhe anëtarët e Bundestagut ia kanë dërguar kancelares gjermane Angela Merkel për t’u siguruar që Procesi i Berlinit gjithashtu përfshin pajtimin dhe synon progresin real.

2/2 We sent a letter to Chancellor Merkel together with colleagues from @Europarl_DE #Bundestag to make sure #Berlinprocess also includes reconciliation and aims at real progress pic.twitter.com/3y2Atx2eUw

— Viola von Cramon 🇺🇦🇪🇺🇮🇱 (@ViolavonCramon) May 10, 2021

Krerët e diplomacisë së Bashkimit Evropian po mbajnë sot një debat strategjik mbi Ballkanin Perëndimor dhe baza për këtë është një dokument jozyrtar i përpiluar nga kryediplomati evropian, Josep Borrell.