Victoria Beckham filloi një javë tjetër të punës nga shtëpia, pasi tërhoqi kërkesën për fonde nga Qeveria

Bashkëshortja e David Beckham, Victoria Beckham, kohëve të fundit ka qenë një nga emrat më të përfolur në tabloidet britanike.

Kjo ngase ajo kishte planifikuar të përdorë skemën e Qeverisë për të paguar 80 përqind të pagave të disa prej stafit të saj.

Megjithatë, pas reagimeve të shumta ajo ditë më parë bëri të ditur se ka braktisur planin për të kërkuar një ndihmë qeveritare për të paguar 30 pjesëtarë të stafit në markën e saj të modës.

Së fundmi, dizajnerja e modës, 46-vjeçare, në rrjetin social, Instagram ndau një fotografi duke treguar ‘se po fillonte ‘një javë tjetër të punës nga shtëpia’.

Me një buzëqeshje të lehtë e me një këmishë të bardhë me vija blu, Victoria mori gjithë vëmendjen me dukjen e saj natyrale.

Lexo po ashtu Pas reagimeve të shumta, Victoria Beckham tërheq kërkesën për fonde nga Qeveria për të paguar stafin e saj

Ylli kishte qëndruar e qetë në rrjetet sociale deri këtë fundjavë, pasi ajo ndryshoi vendimin e saj për të kërkuar një ndihmë qeveritare.

Beckham gjithashtu postoi një sërë imazhesh duke promovuar kompaninë e saj, përfshirë markën e saj të bukurisë.

Ndërkohë, marka e Victoria Beckham ka një bashkëpunim të vazhdueshëm me The Outnet, Valentino, Stella McCartney dhe Dolce & Gabbana. /Telegrafi/