Max Vertsappen ka arritur të triumfojë në çmimin e madh të Abu Dabit.
Piloti i Red Bullit arriti që të përfundonte para dy të Mercedesit, Valtteri Bottas dhe Lewis Hamilton, që përfunduan në pozitën dy, respektivisht tre.
Verstappen kishte fituar po ashtu në pole-position vendin e parë, e që kjo gjë ia ndihmoi paksa triumfin në garën e sotme të mbajtur në Abu Dabi.
Edhe pse Red Bulli triumfoi në këtë garë, është Mercedesi që po e mbyll një vit me plot suksese.
Hamilton ka arritur që brenda këtij vitit kalendarik të barazojë legjendën Michael Schumacher me titujt e fituar, gjithsej shtatë.
Britaniku ka parakaluar po ashtu legjendën gjermane me më së shumti podiume të fituara, duke e lënë këtë të fundit me 92, derisa tani gëzon Hamilton 94 sosh.
Mercedesi edhe pse e humbi garën, në fund festuan këtë edicion mjaftë të suksesshëm për ta. /Telegrafi/
