Vela pas shpërthimit: Tjetër sulm kriminal në Mitrovicën e veriut

Blerim Vela, shef i kabinetit të presidentes së Kosovës, Vjosa Osmani, ka reaguar pas shpërthimit që ka ndodhur mëngjesin e sotëm në veri.

Vela përmes një postimi në Twitter, ka shkruar se ky është një sulm tjetër kriminal në Mitrovicën e veriut, transmeton Telegrafi.

“Strukturat kriminale dhe ilegale të financuara nga Serbia po pengojnë sundimin e ligjit në veri. Ky mund të jetë një reagim ndaj aksionit të institucioneve të Kosovës për heqjen e kamerave të paligjshme të vëzhgimit të vendosura nga Serbia”, ka theksuar Vela.

Lexo po ashtu Shpërthim afër stacionit të policisë në veri, nuk ka të lënduar

Ndryshe, Policia e Kosovës ka konfirmuar shpërthimin, duke njoftuar se ka ndodhur rreth orës 03:00.

“Si pasojë është dëmtuar një veturë dhe një shtyllë elektrike. Policia është duke e trajtuar rastin si ‘shkaktim i rrezikut të përgjithshëm’”, ka deklaruar zëdhënësi i Policisë për rajonin e Mitrovicës, Veton Elshani.

Shpërthimi ka ndodhur në rrugën“Petar Kral”. /Telegrafi/

Another criminal attack in North Mitrovica.

The criminal and illegal structures funded by Serbia are obstructing the rule of law in north ??.

This seems to be a reaction to ?? institutions’ action to remove illegal surveillance cameras installed by Serbia, which will continue. pic.twitter.com/2xAJgg4UhW

— Blerim Vela (@Blerim_Vela) May 6, 2023