Vazhdon puna e komisionit kuvendar për marrjen e imunitetit të Veljanoskit

Komisioni kuvendar për Çështje Mandatare dhe të Imunitetit sot do të vazhdojë ne debatin për marrjen e imunitetit deputetit të OBRM-PDUKM-së dhe ish kryetari i Kuvendit, Trajko Veljanoski.

Debati për kërkesën e marrjes së deputetit të Veljanovskit, që është dorëzuar nga Reparti për krim të organizuar dhe korrupsionit pranë gjykatës penale për shkak të përfshirjes së tij në ngjarjet e 27 prillit u caktua për sot për shkak se për fjalë u paraqitën më shumë deputetë, përcjell Telegrafi Maqedoni.

Gjatë diskutimit deputetëve nga pushteti dhe opozita do të caktojnë nëse do t’i merret imuniteti ish kreut të Kuvendit.

Opozita maqedonase OBRM-PDUKM konsideron se kjo është përndjekje politike dhe përpjekje për ta dobësuar grupin kuvendar të OBRM-PDUKM-së. OBRM-PDUKM thotë se komisioni vendos vetëm në bazë të gjykatës, si dhe Veljanoski me sjelljen e tij nuk tregon asnjë veprim që do të tregonte se duhet të paraburgoset.

Me apel ndaj deputetëve nga pushtetit dolën nga opozita për të mos u marrë imuniteti i Veljanoskit, për shkak se, siç u tha, ai në sjelljen e tij s’ka dhënë shenja se do t’i kundërvihet gjithë procedurës që ngritet ndaj tij.

Kryetari i komisionit Pavle Bogoevski tha se kjo është punë e gjykatës, ndërsa puna e komisionit është të vlerësojë nëse është e arsyetuar masa për paraburgim.

Ish kreu i Kuvendit Veljanoski së bashku me Mile Janakieskin dhe Spiro Ristovskin u arrestuar me urdhër nga prokuroria nën dyshimin se janë të përfshirë në ngjarjet e 27 prillit. Veljanoski nuk u arrestua për shkak të imunitetit ndërsa dy ish ministrive ju caktua masa e paraburgimit për 30 ditë./Telegrafi/