Van Persie tregon se si Ferguson kishte zbuluar se dy lojtarë kishin shkuar në diskotekë: I masakroi, ju tha se faji i tyre do ta humbim titullin

Robin van Persie, ka luajtur pjesën më të gjatë të karrierës së tij te Arsenali, por për tri sezoni ishte te Manchester United, ku e fitoi edhe titullin e kampionit.

Holandezi në një intervistë të fundit ka treguar se si punon Sir Alex Ferguson, duke marr shembull se si i “masakroi” dy futbollistë të skuadrës së tij, duke iu thënë se do t’i largonte nga klubi, pas një humbjeje ndaj Manchester Cityt (2-1) në vitin 2013.

Edhe pse ishte 10 pikë para rivalëve për titull në atë kohë, Van Persie zbulon reagimin e trajnerit, duke thënë se ishte i “tërbuar” dhe kishte vendosur disa fotografi në murin e dhomës së zhveshjes, ku shfaqeshin dy lojtarët që kishin dalë një natën para ndeshjes.

“Një ditë pas ndeshjes, Sir Alex kishte vendosur fotografitë në murin e dhomës së veshjes të dy lojtarëve, të shkrepura gjatë natës, nëpër diskoteka”.

“ Ai i tha të gjithë skuadrës: “Djema nëse nuk e fitojmë ligën, do të jetë për shkak të këtyre dy idiotëve, që vendosën të dilnin jashtë”, – tregon Va Persi.

Holandezi thotë se i di emrat e lojtarëve, por nuk i ka zbuluar, ndërsa vazhdon tutje të tregojë për atë që ndodhi.

“Unë i di emrat, por nuk i zbuloj. Trajner i masakroi. Ishte e mahnitshme. Ai vuri në mur të gjitha fotografitë që dokumentonin sjelljen e tyre, në orën 2 të mëngjesit, në 3 të mëngjesit, në 4 të mëngjesit, për të nënvizuar se sa budallenj kishin qenë”, ka treguar Van Persie.

Van Persie e ka fituar titullin në sezonin 2012/2013 me Manchester Unitedin. /Telegrafi/