Valverde flet për transferimet, vlerëson De Jongun, Griezmannin dhe Neton

Barcelona deri më tani ka goditur në këtë afat kalimtar duke sjell emra si Frenkie De Jong, Antoine Griezmann dhe Neto.

Trajneri i Barcelonës, Ernesto Valverde, e ka dhënë mendimin e tij për secilin prej tyre.

“Sa i përket De Jong ai sezonin e shkuar luajti në një nivel të lartë, ashtu siç bëri edhe skuadra e tij Ajax”.

“Ai është një lojtar që do të na japë freski në mesfushë dhe është pjesë e së ardhmes”.

“Griezmann është një lojtar me eksperiencë në kampionatin spanjoll. Ai është i shpejtë, luan mirë në hapësira të ngushta dhe di të analizojë mirë”.

“Neto do të sjellë eksperiencë dhe është lojtari ideal për të punuar me Ter Stegen”, ka thënë Valverde. /Telegrafi/