Valë e re e presionit diplomatik mbi Ivanovin

Reagime të reja nga bashkësia ndërkombëtare me mesazhe të njëjta – të hidhen hapa për vazhdim të qetë të proceseve demokratike – po vin në drejtim të presidentit Gjorge Ivanov. Ambasadori i Francës në Maqedoni, Christian Timonier përsëri apeloi të gjendet zgjidhje për krizën politike në të cilën ndodhet vendi, përcjell Telegrafi Maqedoni.

Lexo po ashtu Thimonier: Të dilet sa më shpejtë nga kjo krizë politike sepse bota nuk pret!

“Situata politike në Maqedoni momentalisht u ngjan një pllake të gravuar dhe nuk dëshiroj që të shtoj edhe një pllakë të gravuar në atë që tashmë është. Dëshiroj që të dilet sa më shpejt nga kjo gjendje, sepse qytetari i Maqedonisë dëshiron të shohë dalje nga kjo situatë sepse bota nuk pret”, theksoi Thimonier.

I pari i Këshillit të Evropës, Donald Tusk, të hënën vjen në Maqedoni me mesazhin që Ivanov të merr përgjegjësi dhe sipas rezultatit të zgjedhjeve të lejojë formimin e qeverisë së re.

Lexo po ashtu Ivanov ikë edhe nga Donald Tusk!

Edhe Samuel Zhbogar, ambasadori i BE-së në Shkup ka kërkuar një zgjidhje sa më të shpejtë të krizës politike. Ai e vlerëson pozitive zhvendosjen e debatit në kuvend, por duhet të jetë i mirëfilltë.

Lexo po ashtu Zhbogar: Është pozitive që kemi debat në kuvendin e Maqedonisë

Ndërsa gjatë ditës së djeshme situata në Maqedoni është diskutuar edhe në Bundestagun e Gjermanisë, të cilët gjithashtu bënë thirrje për maturi dhe zgjidhje të shpejtë të krizës./Telegrafi/

Lexo po ashtu Bundestagu, shprehen të shqetësuar që kriza politike të mos shndërrohet në krizë ndëretnike