Vaksina kundër kancerit të qafës së mitrës, IKSHPK tregon arsyet pse vajzat duhet ta marrin pa hezitim  

Ditë më parë në Kosovë ka nisur për herë të parë të jepet vaksina kundër kancerit të qafës së mitrës, saktësisht vaksina kundër Human Papilloma Virusit.

Instituti Kombëtar i Shëndetit Publik sot ka treguar disa nga arsyet pse duhet të merret kjo vaksina nga vajzat.

IKSHPK thekson se kjo vaksinë është e sigurt dhe mund të parandalojë mbi 90% të kancereve të shkaktuara nga Human Papilloma Virusi.

Lexo po ashtu Rritja e rasteve me kancer të qafës së mitrës, Ndrejaj: Prindërit të mos hezitojnë t'i vaksinojnë fëmijët, preferohet të merret para se të kenë marrëdhënie seksuale

Lexoni të plotë njoftimin:

Pse duhet vaksinuar kundër Human Papilloma Virusit

Çdo vit, mbi 30 000 gra vdesin nga kanceri i qafës së mitrës brenda Rajonit Evropian të OBSh-së.

Kanceri i qafës së mitrës është i parandalueshëm.

Vaksina HPV mund të parandalojë mbi 90% të kancereve të shkaktuara nga Human Papilloma Virusi.

Vaksina HPV është e sigurt dhe efektive.

Vaksinat HPV janë pjesë e përpjekjeve globale për ta eliminuar kancerin e qafës së mitrës deri në vitin 2030.

Kosova u është bashkuar këtyre përpjekjeve dhe ka filluar vaksinimin e vajzave të klasave të VI-ta kundër kancerit të qafës së mitrës.

Vaksinimi bëhet në shkolla

Asnjë vajzë/grua nuk duhet të vdesë nga kanceri i qafës së mitrës. Askund. /Telegrafi/