Vajza e Kim Jong-un shihet për herë të parë në publik gjatë lëshimit të raketës balistike

Udhëheqësi i Koresë së Veriut, Kim Jong-un është paraqitur për herë të parë me vajzën e tij teksa inspektonin një raketë balistike ndërkontinentale përpara lëshimit të saj.

Vajza e Kim, ekzistenca e së cilës nuk ishte konfirmuar kurrë publikisht më parë, u pa duke u kapur për dore me babanë e saj.

Ndërsa agjencia shtetërore e lajmeve KCNA nuk e përmendi emrin e vajzës, ekspertët besojnë se ajo është Ju Ae, e cila vlerësohet të jetë midis 12 dhe 13 vjeç.

Dyshja u fotografuan përpara se raketa të lëshohej të premten dhe të ulej 200 km nga brigjet e Japonisë, sipas zyrtarëve koreano-jugor dhe japonezë.

Kim besohet se ka tre fëmijë, dy vajza dhe një djalë, raporton skynews.

Michael Madden, një ekspert i udhëheqjes së Koresë së Veriut në Qendrën Stimson me bazë në SHBA, “Kjo do të tregonte se ajo do të arsimohet dhe trajnohet për të marrë pozita udhëheqëse – mund të jetë duke u përgatitur që ajo të marrë pozicionin e udhëheqësit qendror ose ajo mund të bëhet një këshilltare”.

Në vitin 2013, ylli i basketbollit amerikan në pension, Dennis Rodman, tha se Kim kishte një vajzë të quajtur Ju Ae. /Telegrafi/