Ky është momenti kur një ushtar ukrainas ikën për të shpëtuar jetën nga një dron kamikaz rus, përpara se ta rrëzojë me një të shtënë të saktë.
Pamjet në vijën e frontit tregojnë momentin rrëqethës kur një ushtar ukrainas sheh armën vdekjeprurëse në qiell, transmeton Telegrafi.
Në videon që qarkullon në mediat sociale, ushtari shihet duke kërcyer nga automjeti i tij dhe duke qëlluar disa herë në drejtim të pajisjes.
Pastaj ai vrapon për të shpëtuar jetën e tij poshtë rrugës ndërsa droni kamikaz rus duket se e ndjek. Ushtari kthehet dhe qëllon edhe një herë drejt dronit.
Ai godet objektivin me një të shtënë dhe droni shpërthen vetëm pak metra larg tij.
Ushtari shikon i lehtësuar ndërsa topi i zjarrit bie me pjesë mekanike menjëherë pas automjetit të tij.
Nuk është e qartë se ku në vijën e frontit ndodhi incidenti ose kush e filmoi momentin e jetës a të vdekjes.
Dronët kamikaz janë mjete ajrore pa pilot me një përdorim, dhe marrin emrin e tyre nga pilotët luftarakë japonezë që fluturuan në misione vetëvrasëse në Luftën e Dytë Botërore. /Telegrafi/
