Ushqimi i njeriut që mund të hajë edhe një qen: Kur ia jepni këtë, nuk keni pse të shqetësoheni

Shumë pronarë qensh pyesin veten nëse mund t’i japin mikut të tyre me gëzof ushqim që edhe ata hanë vetë

Sot në treg ka ushqime të specializuara për qen. Shumë njerëz blejnë ushqime të gatshme, por ka ushqime që mund t’i jepni lirisht qenit tuaj.

Mishi për më shumë energji

Qentë duhet të hanë mish për shkak të proteinave që u japin energji. Mishi i pulës, i derrit apo i viçit përmban shumë proteina, nuk është i yndyrshëm, përmban vitamina dhe aminoacide që janë të nevojshme për të stimuluar metabolizmin e qenit.

Salmoni dhe toni për qime me shkëlqim dhe një sistem imunitar të shëndetshëm, transmeton Telegrafi.

Tërshërë për tretje më të mirë

Një burim i shkëlqyer i fibrave që përmirëson tretjen dhe e bën qenin të ndihet rehat. Tërshëra rekomandohet për qentë e moshuar.

Majdanoz për frymëmarrje të freskët

Shtoni disa lugë çaji majdanoz të freskët të copëtuar në ushqimin e qenit tuaj. Edhe pse përmirëson frymëmarrjen, është gjithashtu një burim i pasur i kalciumit dhe kaliumit.

Bizele

Kaliumi është një mineral i rëndësishëm për shëndetin e përgjithshëm të qenve, por edhe të njerëzve. Bizelet janë të pasura me fosfor dhe vitaminë B. Thjesht shtoni një grusht bizele në tasin e qenit tuaj.

Karotat

Një ushqim i shkëlqyer për qenin tuaj, pasi është një burim i mirë vitaminash. Karotat janë gjithashtu të forta, duke i bërë ato një ushqim ideal për dhëmbët e qenit tuaj.

Kos dhe djathë

Produktet e qumështit janë një burim ideal i kalciumit dhe përveçse janë të shkëlqyera për kockat dhe dhëmbët, kosi dhe kefiri kanë veti probiotike. Vetëm kini kujdes dhe shmangni ato me fruta dhe ëmbëltues. /Telegrafi/