Me urdhër të Prokurorisë, i merret telefoni Katica Janevës

Pas urdhrit të Prokurorisë për Ndjekjen e Krimit të Organizuar dhe Korrupsionit, i është marrë telefoni prokurores Katica Janeva, njofton “Fokus.mk”.

Ajo dyshohet se është e përfshirë në rastin e sotëm të cilin e hapi Prokuroria, ku të dyshuarit kryesor janë Bojan Jovanovski i njohur si “Boki 13” dhe afaristi Zoran Milevski, përcjell Telegrafi Maqedoni.

Edhe pse një pjesë e mediumeve raportuan se Prokuroria ka kryer kontrolle në shtëpinë e Katica Janevës, disa burime njoftojnë se asaj i është marrë vetëm telefoni.

Më herët para gjykatësit të procedurës paraprake janë nxjerrë Bojan Jovanovski dhe Zoran Milevski, të cilët janë të dyshuarit kryesor në rastin e Prokurorisë Themelore.

Lexo po ashtu Prokuroria jep detaje për arrestimin e “Boki 13” dhe afaristit Zoran Milevski

Ata dyshohen për marrje të dhuratës për ndikim të kundërligjshëm dhe larje parash. Për ta Prokuroria ka kërkuar paraburgim, ndërsa për këtë do të vendosë gjykatësi.

Ndërsa theksojmë se sot Katica Janeva njoftoi se ka dhënë dorëheqje nga posti i drejtueses së Prokurorisë Speciale, e cila siç tha do të bëhet aktive kur partitë politike të gjejnë zgjidhje për të ardhmen e PSP-së dhe të vendosin për pasardhësin e saj./Telegrafi/

Lexo po ashtu Jep dorëheqje Katica Janeva