Manchester United thuhet është i gatshëm të thyej bankën për të transferuar dyshen e Benficas, Joao Felix dhe Ruben Dias.
Djajtë e Kuq janë të interesuar të përforcojnë edhe më shumë ekipin për sezonin e ri, pasi tanë shpresojnë të zënë një vend që i dërgon në Ligën e Kampionëve.
Shumë emra të futbollistëve të konfirmuar janë lidhur tashmë me Unitedin, por tani kanë dalë në skenë disa emra të rinj për ekipin nga Old Trafford.
Sipas mediumit Record, dyshja e talentuar e ekipit portugez, Benfica, Felix dhe Dias kanë përfunduar në radarin e gjigantit anglez.
Joao Felix (Foto: Carlos Rodrigues/Getty Images/Guliver)
Ky mediumi raporton se Unitedi është i gatshëm të paguajë plot 154 milionë funte apo rreth 180 milionë euro për të aktivizuar klauzolat e lirimit të kësaj dyshe.
Mbrojtësi Dias, 21 vjeç, dhe mesfushori Felix, 19 vjeç, po llogaritet ndër talentet më të mëdhenj në futbollin evropian.
Ruben Dias (Foto: Carlos Rodrigues/Getty Images/Guliver)
Edhe klube tjera të mëdha duke përfshirë Juventusin dhe Arsenalin thuhet se gjithashtu janë duke mbajtur shënime për këtë dyshe.
Presidenti i Benficas, Luis Filipe Vieira ka përjashtuar shitjen e dyshes për më pak se klauzolat e lirimit të tyre. /Telegrafi/
