Ulja e kolesterinës mund të ndalojë rritjen e kancerit të fshikëzës urinare

Kombinimi i statinës simvastatin dhe një frenuesi PIN1 të quajtur sulfopin mund të shtypë rritjen e tumoreve të kancerit të fshikëzës

Një proteinë që besohet se ndihmon në nxitjen e kancerit të fshikëzës duke nxitur sintezën e kolesterinës u zbulua në një studim të botuar së fundmi në revistën Cancer Discovery.

Fokusimi në PIN1

Në këtë studim, dr. Tony Hunter, një profesor në Shoqatën Amerikane të Kancerit dhe ekipi i tij u fokusuan në proteinën PIN1, e cila është treguar në studimet e mëparshme se ndikon në shfaqjen dhe përparimin e kancerit.

– PIN1 është një enzimë që është në gjendje të ndryshojë strukturën lokale të proteinës, duke rritur ose ulur aktivitetin e saj, por vetëm nëse asaj proteine i është ngjitur një fosfat në një vend specifik, të cilin PIN1 më pas e njeh – shpjegon prof. Hunter, transmeton Telegrafi.

PIN1 dhe kanceri

PIN1 është i pranishëm në nivele të larta në shumë lloje kanceri, si p.sh. kanceri i gjirit, dhe është zbuluar se aktivizon proteinat në rrugë të shumta ndërqelizore që nxisin kancerin ose çaktivizojnë proteinat në rrugët që normalisht bllokojnë rritjen e tepërt.

– Në kancerin e fshikëzës, puna jonë tregon se PIN1 është i rëndësishëm për përhapjen dhe rritjen e qelizave të kancerit të fshikëzës dhe për parandalimin e qelizave tumorale që të kryejnë vetëvrasje përmes një procesi të njohur si apoptozë. PIN1 është i nevojshëm që qelizat tumorale të migrojnë dhe të pushtojnë indet përreth dhe të formojnë një tumor – thotë prof. Hunter.

Terapia e kombinuar me statinë ndihmon në ndalimin e rritjes së tumoreve të kancerit të fshikëzës

Duke përdorur modelet e kafshëve dhe modelet e qelizave të fshikëzës, studiuesit zbuluan se PIN1 ndihmoi në orientimin e kancerit të fshikëzës duke nxitur sintezën e kolesterinës.

– Kolesterina, së cilës i referohemi, është i njëjti kimikat me kolesterinën që konsumojmë nëpërmjet ushqimit tonë, si dhe kolesterina që prodhohet në mëlçi dhe hyn në qarkullimin tonë.

Kolesterina është një bllok kryesor ndërtues i membranave qelizore dhe është thelbësore për qëndrueshmërinë e qelizave.

“Të gjitha qelizat në trup mund të prodhojnë kolesterol për përdorimin e tyre kur nivelet e kolesterolit lokal janë të ulëta, ndërsa ky është procesi që PIN1 shkakton në qelizat e kancerit të fshikëzës,” shpjegoi Prof. Dr. Tony Hunter për Medical News Today.

Kombinimi i statinave dhe PIN1

Shkencëtarët kanë zbuluar se një kombinim i statinës simvastatin dhe një frenuesi PIN1 të quajtur sulfopin do të ndihmonte në ndalimin e rritjes së tumoreve të kancerit të fshikëzës.

– Statinat bllokojnë sintezën e kolesterolit në mëlçi, në mënyrë që të ulin nivelin e kolesterolit në qarkullim, i cili matet kur nxirret gjak për analizën e kolesterolit. Pra, simvastatina vepron te minjtë duke bllokuar kolesterolin e prodhuar nga vetë qelizat e kancerit dhe sulfopina vepron në qelizat e tumorit për të reduktuar sintezën e kolesterolit. Së bashku, ato çojnë në nivele shumë më të ulëta të kolesterolit në indet e kancerit të fshikëzës, duke reduktuar kështu rritjen e tumorit, thotë Dr. Tony Hunter.

A ndodh e njëjta gjë me llojet e tjera të kancerit?

Duke pasur parasysh se nivelet e PIN1 janë të larta në disa lloje të tjera të kancerit, Hunter tha se është sigurisht e mundur që PIN1 të nxisë prodhimin e kolesterolit edhe në lloje të tjera të kancerit:

– Nisur nga kjo, një frenues PIN1 i dhënë në kombinim me një statinë për të reduktuar prodhimin e kolesterolit në qelizat e tumorit dhe për të reduktuar kolesterolin qarkullues të prodhuar nga mëlçia mund të jetë një opsion i mundshëm trajtimi në disa raste të tjera.

Kanceri i fshikëzës është një sëmundje tinëzare

Kanceri i fshikëzës është një sëmundje serioze dhe tinëzare, të cilën ekspertët shpesh e përshkruajnë si kancerin e harruar. Burrat kanë më shumë gjasa të sëmuren, katër herë më shpesh se gratë.

Rreth 90 për qind e të prekurve janë mbi 55 vjeç dhe duhani është një nga faktorët e rrezikut për kancerin e fshikëzës.

Simptoma që nuk duhen anashkaluar

Kanceri i fshikëzës së urinës është një sëmundje agresive malinje, ndaj është e rëndësishme të njihen simptomat në kohë dhe të drejtoheni te një urolog. Disa nga simptomat që mund të tregojnë këtë sëmundje janë:

▪ gjak në urinë
▪ rritje e shpeshtësisë së urinimit
▪ pengim ose dhimbje në traktin urinar.

Gjaku në urinë që i jep asaj një njollë rozë në të kuqe të errët, dhimbje në pjesën e poshtme të barkut, dhimbje në pjesën e poshtme të shpinës, acarim të fshikëzës, urinimi i shpeshtë ose i vështirë, janë simptomat më të zakonshme të kancerit të fshikëzës për t’u kujdesur. Nëse ka ndonjë nga këto simptoma, është i detyrueshëm ekzaminimi i urologut, i cili do të përcaktojë të gjitha procedurat e nevojshme diagnostike.

Kanceri i fshikëzës është një sëmundje agresive që është e vështirë për t’u trajtuar dhe ka një prognozë të dobët.

– Mund të përparojë shpejt dhe të japë metastaza, më pas sëmundja bëhet më shpesh e pashërueshme. Ashtu si me të gjitha sëmundjet e tjera malinje, diagnoza e hershme përmirëson ndjeshëm shanset për trajtim të suksesshëm. Prandaj, kombinimi i diagnostikimit të hershëm, kirurgjisë efektive dhe terapive të reja jep shpresë se në të ardhmen do të shërohen me sukses një numër i madh i pacientëve me këtë sëmundje malinje. /Telegrafi/