Ukrainasit godasin rëndë rusët me dronët kamikaz në Zaporizhzhia, publikohen pamjet nga aksione të shumta

Në rajonin e Zaporizhzhia që po mbahet nën kontrollin e rusëve, po vazhdojnë luftimet e ashpra.

Ukrainasit janë të vendosur ta qlirojnë këtë rajon, kurse rusët mezi po arrijnë të ruajnë pozicionet e tyre mbrojtëse, transmeton Telegrafi.

Kundërofensiva e ukrainasve është fokusuar pikërisht në këto pjesë, që janë të pushtuara nga rusët.

Lexo po ashtu Parlamenti i Ukrainës miratoi dorëheqjen e ministrit të Mbrojtjes – ndërsa u largua nga salla, ai mori ovacione nga të pranishmit të cilët u ngritën në këmbë

E kjo ka bërë që të aktivizohen shumë dronë kamikazë, me qëllim që të ketë Kievi sa më pak humbje në personel ushtarak.

Ata janë ngritur në qiell në këtë rajon dhe kishin vetëm një mision – eliminimin e forcave pushtuese ruse.

Një video shfaq momentet kur dronët ukrainas godasin rusët në këtë rajon, ku përveç kamionëve, furgonëve e mjeteve të blinduara, ukrainasit kanë arritur të godasin direkt edhe ushtarët që ishin në fushëbetejë.

Në një sekuencë shihet se si ushtari rus që kishte mbetur i vetëm në fushën pyjore, pret ndihmën nga kolegët që iu afruan për ta marrë me furgon.

E një tjetër, kur droni kamikaz godet direkt tek pjesa e shoferit në mjetin e blinduar ushtarak të rusëve, që po tërhiqeshin pas sulmi me artileri. /Telegrafi/

https://www.youtube.com/watch?v=9fLehyZk4WE&ab_channel=UntoldNews