Ukraina tregon humbjet e mëdha të ushtarëve dhe armëve të Putinit – rusët “ngazëllehen” me pamjet e një tanku të shkatërruar britanik që ishte përdorur edhe në Kosovë

Disa pamje të cilat duket se tregojnë një tank të shkatërruar Challenger-2 në Ukrainë duket se kanë ngazëllyer rusët, pavarësisht humbjeve të mëdha të tyre në Ukrainë.

Sipas mediave të huaja, përcjell Telegrafi, bëhet fjalë për një Challenger-2 që është një tank britanik, nga 14 të tillë që Ukraina ka marrë në një paketë ndihme të kohëve të fundit dhe që janë ndër armët e tij më të forta të dhuruara nga perëndimi.

Rusët i kanë bërë jehonë shkatërrimit të saj për shkak se siç thuhet “ishte hera e parë që një Challenger-2 madje shkatërrohej në fushën e betejës” edhe pse tanku i prodhuar nga Britania e Madhe është përdorur në Bosnje, Irak dhe Kosovë.

Lexo po ashtu Droni i famshëm turk përsëri në aksion – momenti kur ai godet anijen dhe ushtarët rusë që po përpiqeshin të "zbarkonin" në Kherson

Dhe gëzimi i rusëve vjen në kohën kur Forcat e Mbrojtjes së Ukrainës vazhdojnë operacionin e tyre sulmuese në drejtimet Bakhmut dhe Melitopol.

#Ukraine: A Ukrainian Challenger 2 tank was destroyed near Robotyne, #Zaporizhzhia Oblast. A damaged T-64BV and two destroyed IMVs can be seen too.

This is the first confirmed loss of this tank in Ukraine and is also the first one ever destroyed by enemy action. pic.twitter.com/hFWkYQ8XSV

— 🇺🇦 Ukraine Weapons Tracker (@UAWeapons) September 5, 2023

Kështu thuhet në një raportim nga Shtabi i Përgjithshëm i Forcave të Armatosura të Ukrainës, raporton Ukrinform, përcjell Telegrafi.

“Ata panë sukses drejt Robotyne dhe Novoprokopivka,…”, thuhet në raport.

Shtabi i Përgjithshëm vuri në dukje se në drejtim të Bakhmut, forcat e Ukrainës vazhdojnë operacionet e tyre sulmuese në jug të qytetit.

“Armiku po pëson humbje të konsiderueshme për sa i përket fuqisë njerëzore, armatimit dhe pajisjeve, duke manovruar trupat e tij dhe duke vendosur rezerva”.

Lexo po ashtu Ukraina ka një armë të re në luftën e saj kundër Rusisë - tanket gjermane të kohës së Luftës së Ftohtë të dizenjuara nga Porsche

“Në të njëjtën kohë, Forcat e Mbrojtjes po frenojnë përparimin e trupave ruse në drejtimet Avdiivka dhe Marinka. Rusët ndërmorën përpjekje të pasuksesshme sulmi në rrethin Marinka”, shkruajnë mediat ukrainase.

Veç kësaj, bëhet e ditur se në akset Lyman dhe Bakhmut, ushtria pushtuese ruse kreu misione të pafrytshme sulmuese pranë Novoyehorivka, Bilohorivka dhe në veri të Klishchiivka dhe se luftimet e ashpra vazhdojnë në zonë.

Dhe gëzimi i rusëve për një tank të shkatërruar vjen në ditën kur numri i të vdekurve ushtarakë të Rusisë në Ukrainë ka arritur në 265,680. /Telegrafi/