UEFA shqipton dënimin për tifozin që bëri selfie me Cristiano Ronaldon

UEFA ka konfirmuar dënimin e saj për një tifoz që është futur në fushë në Euro 2024, i cili bëri një selfie me Cristiano Ronaldon.

Ishte gjatë fitores 3-0 të Portugalisë ndaj Turqisë në Dortmund që djali i ri u fut në fushë dhe nxori telefonin e tij.

Ronaldo u sigurua që i riu të merrte foton e tij përpara se të kapej nga sigurimi dhe të hiqej nga stadiumi.

Lexo po ashtu UEFA bën një ndryshim të madh në Euro 2024 pas incidentit që përfshiu Ronaldon

Duke pasur parasysh moshën e tij, djali mori shumë simpati nga shikuesit që ishin thjesht të lumtur që ai takoi yllin.

Fotoja u bë virale në mediat sociale dhe UEFA që atëherë ka përcaktuar dënimin që fëmija do të marrë pas incidentit.

Përderisa ata zakonisht do të ndiqnin një akuzë penale, në këtë rast, ai thjesht do të përjashtohet nga të gjitha ndeshjet e ardhshme në Euro 2024, siç raporton The Express.

Në deklaratën e tyre thuhej: “Çdo inkursion në fushë përbën një shkelje të rregullave të stadiumit dhe do të rezultojë në përjashtimin nga stadiumi, ndalim nga të gjitha ndeshjet e turneut dhe paraqitjen e një ankese zyrtare penale për shkelje”.

“Nuk ka asnjë përgjegjësi penale për fëmijët nën 12 vjeç, megjithatë i rrituri shoqërues mbetet përgjegjës për të siguruar që fëmija t’i përmbahet rregullave të stadiumit në përputhje me termat dhe kushtet e biletave”. /Telegrafi/