U bllokua brenda shtyllës teksa përpiqej të merrte telefonin e tij

Këtë të dielë në mëngjes zjarrfikësit e departamentit francez të Gardit, në Nîmes, Francë, u befasuan me një shpëtim të pazakontë: një burrë mbeti i bllokuar brenda një shtylle teksa po merrte telefonin e tij.

Kërkesa për ndihmë erdhi falë një fqinji i cili po shëtiste kur pa disa këmbë që po dilnin nga një shtyllë. Ishte ora 8:30 e mëngjesit (të kohës lokale) kur pa gjymtyrët që dilnin nga shtylla dhe kjo ishte e pabesueshme se si kishte ndodhur, transmeton Telegrafi.

Autoritetet sqaruan se, me sa duket, 23-vjeçari u përpoq të merrte telefonin e tij celular, i cili kishte rënë, dhe kjo bëri që ai të përfundonte brenda nga një hapje e vogël e shtyllës.

Kur arritën në vendin e ngjarjes, zjarrfikësit hasën në një rast shumë të komplikuar.

Në fakt, shërbimet e urgjencës duhej të thërrisnin Komunën për të siguruar perimetrin, për të ndërprerë furnizimin me energji elektrike dhe për të prerë strukturën me një sharrë elektrike dhe për të zgjeruar hapjen dhe për të nxjerrë njeriun fatkeq.

Operacioni zgjati më shumë se një orë. I vetëdijshëm për shpëtimin, i riu u dërgua në spital për një ekzaminim më të thellë. Por, sipas autoriteteve, gjendja e tij e përgjithshme shëndetësore është e mirë. /Telegrafi/