U arrestua edhe pse ishte vetëm 6 vjeçe, qante dhe i luste policët amerikanë ta lënë të lirë: Mos mi vëni prangat

Policia në Orlando të SHBA-ve gjatë shtatorit të vitit të kaluar pati arrestuar një vajzë 6-vjeçare. Kurse tani ajo dhe familja e saj kanë dhënë detaje për këtë ngjarje, gjatë një interviste dhënë për Orlando Sentinel.

Kaia Rol, nxënëse e klasës së parë, kishte goditur tre punonjës të shkollës, ku si pasojë e këtij veprimi policia e kishte prangosur. E kur i pyeti se për kënd janë ato, ata i janë përgjigjur shkurt, “për ty”, transmeton Telegrafi.

“Mos mi vendosni prangat”, dëgjohet duke thënë në video kjo vajzë e vogël që nuk mund të ndalte lotët derisa i luste ta lirojnë. Megjithatë ata e kishin futur në veturën zyrtare të policisë.

Madje njëri prej tyre i kishte thënë se duhet të futet brenda veturës së policisë. Por, ajo kishte këmbëngulur duke thënë: “nuk dua të shkojë në policinë e veturës”.

“Nuk dëshiron, duhesh”, dëgjohet duke ia kthyer polici që e kishte prangosur. Megjithatë në video nuk shihet asnjë punonjës i shkollës që tenton të parandalojë arrestimin e 6-vjeqares. Gjithashtu polici që e shoqëronte vazhdimisht ia bënte me dije se po të ishte më e madhe do t’ia vendosnin prangat me zinxhir.

Meralin Kirkland, gjysha e vogëlushes ka thënë se pasi që qytetarët ta shohin videon do të kërkojnë të ndryshojë ligji që personat që duhet arrestuar duhet të kenë të paktën 12 vjet.

“E kam ditur se kanë bërë keq, por nuk e kam ditur se ajo ka kërkuar ndihmë”, ka shtuar ajo. /Telegrafi/