U bë agresiv dhe radikal pasi shkoi në SHBA – detaje rreth të dyshuarit për vrasjen e tetë personave në Nju Jork (Foto/Video)

Sayfullo Saipov nga Uzbekistani, është autori i dyshuar i sulmit me kamion në Nju Jork, ku humbën jetën tetë persona dhe shumë të tjerë mbetën të plagosur.

Lexo po ashtu Tetë të vrarë nga sulmi në New York, momenti kur sulmuesi tentoi të ikte nga policia (Video)

Saipov i lindur në shkurt 1988, besohet se ka jetuar në Ohajo, Florida dhe Nju Xhersi, që nga marrja e kartonit të gjelbër që i mundësoi atij të jetonte dhe punonte në Shtetet e Bashkuara të Amerikës.

Lexo po ashtu Sulmi në New York, njeriu që la tetë të vdekur kishte flamuj të ISIS-it dhe një letër të shkruar me dorë në kamionin e tij (Foto)

Mirrakhmat Muminov aktivist fetar nga Uzbekistani që punon në SHBA, ka thënë për BBC-në se emigranti i dyshuar, është i martuar dhe ka tre fëmijë.

Sipas tij, ai u bë person agresiv dhe u radikalizua përmes internetit pasi kishte shkuar në SHBA në vitin 2010.

Lexo po ashtu Sulmi me kamion që la të vdekur tetë persona në New York: Përmbledhje detajesh dhe pamjesh nga vendi i ngjarjes (Foto/Video)

“Ai nuk ishte i arsimuar mirë dhe nuk kishte dijeni për Kuranin përpara se të arrinte në SHBA, mirëpo ai kishte rënë në depresion pasi që nuk mund të gjente punë si shofer taksie”, ka thënë Muminov, përcjell rel.

Ai po ashtu ka thënë se janë rreth 70,000 njerëz me origjinë nga Uzbekistani që kanë ardhur të jetojnë në SHBA, kryesisht në qytetin e Nju Jorkut, por edhe në Florida, në Orlando, në Çikago dhe në Ohajo.

Sipas mediave në SHBA, Sayfullo Saipov u ka mbijetuar plagëve të marra nga plumbat, dhe tani hetuesit do ta kenë mundësinë të zbulojnë motivin e këtij sulmi.