Turku i zhdukur iu bashkua një grupi kërkimi, para se ta kuptonte se ai ishte vetë personi të cilin po e kërkonin

Një burrë i zhdukur në Turqi iu bashkua aksidentalisht grupit të kërkimit për orë të tëra para se ta kuptonte se ai ishte vetë personi që grupi po e kërkonte, raportojnë mediet lokale.

Sipas BBC, përcjell Telegrafi, Beyhan Mutlu kishte pirë me miqtë të martën kur ai u end në një pyll në provincën Bursa.

Mirëpo kur ai nuk u kthye, gruaja dhe miqtë e tij njoftuan autoritetet lokale dhe një grup kërkimi u mobilizua.

Mutlu, 50-vjeçar, rastisi grupin e kërkimit dhe vendosi të bashkohej me ta, raporti NTV.

Por kur anëtarët e grupit të kërkimit filluan të thërrasin emrin e tij, ai u përgjigj: “Unë jam këtu”.

Bursa’nın İnegöl ilçesinde, Beyhan Mutlu isimli şahıs, kendisi için başlatılan arama çalışmalarını başkası için zannederek saatlerce kendini aradı.

Ekipler, arama çalışmasıyla ilgili tutanak düzenleyip kayıp şahsı evine bıraktılar. pic.twitter.com/yhVaPSh7wY

— Vaziyet (@vaziyetcomtr) September 28, 2021

Ai u mor mënjanë nga njëri prej punonjësve të shpëtimit për të dhënë një deklaratë.

“Mos më dëno shumë ashpër, oficer. Babai im do të më vrasë”, thuhet se ai u tha atyre.

Policia më pas e dërgoi 50-vjeçarin në shtëpi. Nuk është bërë e qartë nëse ai është gjobitur. /Telegrafi/