Tsipras: Kontestin e emrit kam dashur ta zgjidh edhe me Gruevskin, por ai ka refuzuar

Kryeministri grek Alexis Tsipras në një intervistë për “Financial Times” tha se ai u përpoq të inicionte një marrëveshje për kontestin e emrit edhe gjatë qeverisjes së ish-kryeministrit Nikolla Gruevski, por ai nuk pranoi asnjë mbledhje. Për një qëllim të tillë, thekson Tsipras, ka njoftuar edhe kancelaren gjermane, Angela Merkel.

“Gruevski ishte një njeri që kurrë nuk donte të negocionte. Më kujtohet që shkova në Berlin. U takova me kancelaren Merkel. Ne kemi diskutuar për një kohë të gjatë krizën ekonomike, borxhin, deficitet, memorandumet etj. Ne vendosëm të flasim për politikën e jashtme, dhe thashë: Dua ta zgjidh këtë problem, madje edhe me Gruevskin. Do të provoj ta sfidoj duke ulur në tavolinë. Nëse ai nuk dëshiron të ulet në tavolinë, ai do të akuzohet se nuk donte një zgjidhje”, citon Tsipras.

Merkeli, siç kryeministri grek, u përgjigj se nuk i besoi atij, sepse të gjithë paraardhësit e tij nuk donin ta diskutonin këtë çështje, veçanërisht ish- kryeministri, Andonis Samaras.

“I thashë se mendimi im është i ndryshëm, sepse Greqia do të përfitojë nëse arrihet të zgjidhim mosmarrëveshjet me fqinjët tanë verior. Greqia ka mjaft dallime me fqinjët në lindje, ndërsa ne nuk kemi nevojë për më shumë probleme me fqinjët tanë veriorë, veçanërisht nëse janë vende që nuk janë kërcënim për ne”, tha Tsipras.

Për marrëveshjen e arritur për emrin me Zoran Zaev, për të cilën deputetët e Parlamentit Evropian i propozuan për Çmimin Nobel të Paqes, Tsipras tha se kjo është një zgjidhje e balancuar dhe reciprokisht e dobishme./Telegrafi/