Tri objektivat e Real Madridit për merkaton e verës – Ancelotti dhe Perez e dinë çfarë duan

Real Madridi është i fokusuar në forcimin e skuadrës për sezonin e ardhshëm, me objektivin e qartë për të ndërtuar ekipin më të mirë të mundshëm për të konkurruar në të gjitha frontet.

Si Carlo Ancelotti ashtu edhe Florentino Perez kanë identifikuar tri objektiva kryesorë për tregun e transferimeve të verës, me synimin për të forcuar fusha të ndryshme të skuadrës.

Më poshtë mund të shikoni se kush janë prioritet për Los Blancos për afatin e verës:

Lexo po ashtu PSG po përgatitet t'ia rrëmbejë Real Madridit super lojtarin nga dora

Kylian Mbappe:

Para së gjithash, klubi spanjoll i ka sytë te Kylian Mbappe, ardhja e të cilit do të ishte një nxitje e madhe për sulmin e Real Madridit.

Sulmuesi francez do të mbërrinte si lojtar i lirë pas përfundimit të kontratës me PSG-në në verë dhe pritet të jetë bashkëlojtari ideal i lojtarëve si Vinicius Junior dhe Rodrygo në vijën sulmuese.

Bernardo Silva:

Një tjetër objektiv i rëndësishëm i Real Madridit është Bernardo Silva, mesfushori portugez i Manchester Cityt.

Silva ka tërhequr vëmendjen e klubit Merengue sepse ai ka një klauzolë lirimi prej 50 milionë euro në kontratën e tij, duke e bërë atë një opsion të mundshëm për të përforcuar mesfushën dhe ndoshta për të marrë vendin e Luka Modric.

Leny Yoro:

Së fundi, Real Madrid kërkon të forcojë mbrojtjen e tyre me inkorporimin e Leny Yoro, një mbrojtës francez premtues nga Lille. Yoro po shfaqet si një opsion afatgjatë për bardhezinjtë dhe do të mbërrinte për të plotësuar pozicionin e lënë nga Nacho, kontrata e të cilit skadon në verë.

Me praninë e Yoro, Real Madrid do të kishte një rotacion më solid mbrojtës, duke plotësuar lojtarë si Militao, Alaba dhe Rudiger. /Telegrafi/