Tretmanët që duhet shmangur para natës së Vitit të Ri

Në natën më të gjatë të vitit zonjat shpeshherë përdorin tretmanë që deri më tani nuk i kanë përdorur kurrë apo në masë të madhe ndryshojnë dukjen e tyre. Mu për këtë, duhet t'i paralajmërojmë se ky mund të jetë gabim fatal i tyre.

Secilin tretman që deri më tani nuk e keni përdorur do të ishte më mirë ta kishit provuar më herët, para natës së rëndësishme, sepse mund të ndodhë të mos jeni të kënaqura me dukjen apo efektin e arritur. Nëse prisni momentin e fundit, ndoshta nuk do të ketë kohë për përmirësime.

Ndryshimi i ngjyrës së flokëve
Keni vendosur që natën më të gjatë të vitit ta prisni si bionde dhe pikërisht keni vendosur që pikërisht atë natë të ngjyroseni në të verdhë. Hiqni dorë me kohë nga kjo ide dhe lëreni për një ditë tjetër, kur të keni më shumë kohë për t’iu përshtatur dukjes së re.

Tretmanët për fytyrë
Nëse fytyra juaj kurrë deri më tani nuk i është nënshtruar tretmanëve të kozmetikës, një ditë para festës së Vitit të Ri nuk do të ishte një ide aspak e mirë për ta bërë. Pos reaksionit të papritur të lëkurës, që mund t’ju shkatërrojë dukjen, do të duhej ta dinit se tretmanët e fytyrës mund t’ju shkaktojnë aknet. Prandaj, provojeni këtë më herët apo anulojeni për një tjetër herë.

Formësimi i vetullave
Nuk është momenti i duhur që të bëni eksperimente me formën e re të vetullave dhe ta teproni me shkuljen e tyre. Ndoshta një gabim të tillë edhe mund ta mbuloni me grim, por do të ishte më e udhës të mos e bëni fare këtë gabim.

Thonjtë artificialë
Njohësit emirë të manikyrit ju sugjerojnë këtë tretman të merreni së paku dy javë para natës së madhe. Pse? Ju nevojitet kohë të mësoheni me to, sidomos nëse paraprakisht keni pasur thonj të shkurtër, Po ashtu, do të keni kohë të mjaftueshme të mendoni nëse gjatësia e tyre ju përgjigjet apo dëshironi t’i korrigjoni.
/Telegrafi/