Tre gjigantë italianë në ‘luftë’ për Kristjan Asllanin

Mesfushori shqiptar i Empolit, Kristjan Asllani, ka shkëlqyer në Serie A këtë sezon, duke bërë që shumë klube të vihen pas tij.

Pasi betejës për Scudetton, Milan dhe Inter janë gati të nisin edhe një ‘luftë’ për mesfushorin shqiptar në afatin kalimtar veror.

Sipas gazetës Libero të dy klubet e qytetit të Milanos janë të interesuara për Asllanin, mesfushorin 20-vjeçar që ka bërë një sezon të shkëlqyer me Empolin.

Interi dëshiron ta nënshkruajë me të zëvendësues për Marcelo Brozovic, por edhe Milani është serioz pasi përshtatet në sistemin e  tyre.

Beppe Marotta po synon të bindë Empolin – të cilët e vlerësojnë Asllanin 15 milionë euro, ndërsa edhe Milani me largimet e Franck Kessie dhe Tiemoue Bakayokos iu duhen disa përforcime në mesfushë.

Ndërsa “Gazzetta dello Sport” e fut në mesin e pretendentëve edhe Napolin, ku e mesfushorin shqiptar si zëvendësues ideal të Fabian Ruizit i cili mund të largohet.

Napoli për dallim nga klubet e Milanos janë të gatshëm të ofrojë rreth 10 milionë euro./Telegrafi/