Trajneri i Danimarkës, Hareide: Kosova ka sulm të mirë, do të luajnë disa nga yjet tanë

Trajneri i Danimarkës, Age Hareide, ka folur në konferencë për shtyp, duke zbuluar atë që njeh për Kosovën.

Ai ka thënë se ka marr edhe disa lojtarë të rinj për t’i parë nga afër, por tifozët do t’i shohin edhe disa nga yjet.

“Lojtarët e rinj? Arsyeja pse i kemi marr me vete do t’i shikojmë, nëse dëshmohen do t’i fusim. Të gjithë lojtarët janë në formë shumë të mirë, në top formë. Do ta shohim nesër. Do t’i përdorim të gjitha ndërrimet, por shikuesit do ta kenë mundësinë t’i shohin yjet tona të njohura në fushë”.

Trajneri u pyet se pse e kanë zgjedhur Kosovën për të luajtur për miqësore: “Natyrisht unë janë ballafaquar me Jugosllavinë në karrierën time.  Ekipet që kanë dal nga ai vend janë të mira. Të gjithë dëshirojnë të luajnë futboll. Kosova dëshiron të luajë futboll. Kosova ka mundësi që të shkojë edhe në Kampionatin Evropian”.

“Në duam të mësoheni që të luajmë me kundërshtarë që mund të ballafaqohemi në të ardhmen.  Ishte e mirë që të vinim dhe të luanim futboll këtu. Kemi mundur të luanim me Gjermanin, por ishte e vështirë para ndeshje me Zvicrën”.

Lexo po ashtu Challandes: Danimarka një test i mirë, Hekurani nuk do të luajë

Haine u pyet se sa e njeh Kosovë, lojën dhe lojtarët e saj, ku trajneri tregoi disa pika të forta: “Janë kualifikuar për një grup më lartë në Ligën e Kombeve. Kanë luajtur mirë dhe luajnë mirë në sulm dhe transformohen shpejtë.

“Dua të theksoj se e kam stërvitur Valon Berishën para se të shkonte te RB Salzburg. Ka lojtarë të mirë në sulm që luajnë te Werder (Milot Rashica) dhe Reims (Arbër Zeneli)”.

Trajnerit iu kërkua që ta sqarojë edhe deklaratën e dhënë para disa ditësh, ku ndeshjen me Kosovën e quajti trajnuese. /Telegrafi/