Topi i Artë i Maradonës u shfaq në ankand: Trashëgimtarët e tij po përgatisin një proces gjyqësor

Trashëgimtarët e Diego Maradonës do të nisin një proces gjyqësor në përpjekje për të ndaluar ankandin e Topit të Artë të fituar nga futbollisti legjendar argjentinas si lojtari më i mirë në Kupën e Botës 1986 në Meksikë.

Trofeu kishte humbur për dekada, por së fundmi u rishfaq dhe do të dalë në ankand në Paris në qershor, njoftoi shtëpia e ankandeve Agit javën e kaluar.

Maradona, i cili vdiq në vitin 2020 në moshën 60-vjeçare, fitoi trofeun e Lojtarit të Vitit të Kupës së Botës 1986, duke udhëhequr Argjentinën në një fitore 3-2 ndaj Gjermanisë Perëndimore në finale.

Lexo po ashtu Ronaldo zbulon sekretin se përse Diego Maradona mbante dy orë në duar

Në atë turne, ai shënoi një gol të parregullt, por ende të njohur me dorë (“Dora e Zotit”), por edhe “golin e shekullit” kur dribloi pothuajse të gjithë lojtarët kundërshtarë në një fitore 2-1 kundër Anglisë në çerekfinale.

Trashëgimtarët e Maradonës thonë se trofeu është vjedhur dhe pretendojnë se pronari aktual nuk ka të drejtë ta shesë atë, dhe avokati i tyre tha se do të kërkojnë një urdhër gjykate për konfiskimin e trofeut dhe për të paraqitur një kallëzim vjedhjeje. Maradona e mori atë trofe në një ceremoni në kabarenë Lido në Champs-Élysées në 1986.

Trofeu më vonë u zhduk dhe thashetheme të ndryshme qarkulluan për të. Disa thanë se Maradona e humbi atë në një lojë pokeri ose e shiti për të shlyer borxhet, bëri të ditur shtëpia e ankandeve.

Gjithashtu u përfol se Maradona e mbante atë në një bankë në Napoli, e cila u grabit nga gangsterët vendas në vitin 1989, ndërsa luante për Napolin. Trashëgimtarët e Maradonës besojnë se është vjedhur nga një bankë. /Telegrafi/